Isu-ekaanshaha taageerayaasha kooxda Arsenal iyo kuwa ururka Al-Shabaab. {Qeybta 2aad}

Published on August 14, 2015 by   ·   No Comments

maqaal12-GAR-QAADASHO LA’AAN.

Labada taageere ee kooxaha Al-Shabaab iyo Arsenal ayaa waxay isaga mid yihiin sida ayan u gar-qaadan marka doodda laga hayo.

Taageerayaasha Al-Shabaab.

Marka la hor-dhigo in sida kooxda Al-Shabaab wax ku waddo ayan ahayn si ay ku guuleysaneyso, isla markaasna kooxdu ay aad dib ugu dhacday, waxay ku doodaan in kooxdu ay guuleysan doonto oo adduunka ay qabsan doonto, balse loo baahan yahay dul-qaad.

Marka leysku soo xooriyo qodobkan waa in ururku uusan waxba ku khaldaneyn, gartana isagu leeyahay, waa sida ay ku doodaan ama ha aaminsanaadeen ama dadka kale ha isaga jeedinayeenne.

Taageerayaasha Arsenal.

Marka la gula doodo in kooxdu ayan guulo gaarin, horyaal ay qaadaanna ay ugu dambeysay sanadkii 2004kii, waxay ku doodaan in guushu ay imaaneyso goor dhow, loona baahan yahay in kooxdu sidan ay u cayaareyso ay u sii cayaarto, taageerayaashana looga baahan yahay iney u dul-qaataan, xataa heerka labaad [Division two} ee kooxaha haddii kooxdu ku biirto.

Waa isku jawaab labada taageere marka ay qodobkan joogto.

3-IS-QANCIN.

Taageerayaasha Al-Shabaab.
Marka ay kaligood yihiin waxay isu akhriyaan sida ay la tahay guulaha kooxda ay caashaqsan yihiin ay gaartay, iyagoo mar marna isu dusiya dhaliilaha kooxda loo jeediyo, balse waxay u raadiyaan cudur-daar, dadka dhexdooda ah ee ku sii dhiirradana lama jecla.

Taageerayaasha Arsenal.

Marka ay sheekeysanayaan ayaa waxay isku qanciyaan, kubadda quruxda badan ee ay cayaarto kooxda ay la dhacsan yihiin, waa sida ay aaminsan yihiine, waxaana aan la soo dhaweynin qofka sheega dhaliilaha kooxda, isaga ayaanna doodaha ugu adag lala galaa.

Qodobkan is-qancinta ayaa labada qoloba ka mideysan yihiin, waxaana intaas u dheer kuwa xataa dhalliilaha ka sheega taageerayaasha labada kooxood dhexdooda, in marka ay dad iyaga ka baxsan ay arkaan ay ka qariyaan dhaliilaha, ayanna qirin wixii dhexdooda ay qirayeen.

Waa socotaa………

W/Q: Maxamed Nuur Shire
mnuur10@gmail.com

WARKA

Muxaadaro Cusub | TOOSNAANTA الإستقامة | IMAM MOHAMUD MARKONI

April 29, 2017
Muxaadaro Cusub | TOOSNAANTA الإستقامة | IMAM MOHAMUD MARKONI   https://youtu.be/ZR6yOjZajlA

Muxaadara cusub | ASBABAHA FARXADA | SH/SACIID RAAGE

April 29, 2017
muxaadara cusub | ASBABAHA FARXADA | SH/SACIID RAAGE   https://youtu.be/0rqgvwAW1H8

Muxaadaro Cusub | Fadliga Cilmiga iyo Ehelkiisa | Sh.Mohamud Shibli

April 29, 2017
Fadliga Cilmiga | Sh.Mohamud Shibli     https://youtu.be/iRAxVyQZCWE

Abdirahman Jibriil oo qirtay inuu ka towbad keenay Buugii uu qoray

April 29, 2017
Abdirahman Jibriil oo qirtay inuu ka towbad keenay Buugii uu qoray   https://youtu.be/XfoGDZ50cQs

KHUDBA | DUMARKA IN WANAAG LAGULA DHAQMO | SH.MAXAMED CABDI UMAL

April 29, 2017
KHUDBA | DUMARKA IN WANAAG LAGULA DHAQMO | SH.MAXAMED CABDI UMAL   https://www.youtube.com/watch?v=1mO_Vk0xUWU